Нүдний доод талаас цээж хүртэл маш олон төрлийн өвчнийг эмчилдэг дотрын мөн мэс заслын эмчилгээг үзүүлдэг.
Чих хамар хоолойн тасаг нь чих, хамар, хоолойн өвчнийг эмчилдэг тасаг гэж нэрлэдэг боловч нүдний доод хэсгээс цээжний дээд хэсэгт хүртэлх өргөн хүрээний өвчнийг эмчилдэг дотрын мөн мэс заслын эмчилгээг үзүүлдэг тасаг юм. Сүүлийн үед толгой ба хүзүүний мэс заслын чиглэлээр илүү нарийвлалтай болж олон өвчнийг хамруулснаар цар хүрээгээ өргөжүүлж байна.
Тус эмнэлгийн Чих хамар хоолой-Толгой хүзүүний мэс заслын тасаг нь хамгийн дээд төвшний эмчилгээ үйлчилгээг хүргэхээр хичээнгүйлэн ажиллаж байна. Эмчилгээний тасгууд нь Чих судлал, Хамар судлал, Толгой хүзүүний мэс засал гэсэн 3 том хэсэгт хуваагдаж байгаа бөгөөд бүгд нарийн мэргэшсэн эмч мэргэжилтнүүдээс бүрдэн ажилллаж байна. Ердийн чих хамар хоолойн өвчлөлөөр зогсохгүй Толгой эргэх өвчний клиник, Сонсголын эрхтэний эмгэгийн клиник, Хамрын дайвар хөндийн үрэвсэл-синусит/ харшлаас үүдсэн хамрын салст бүрхэвчийн үрэвсэл-ринит / хурхиралт ба нойрон дундаа амьсгал зогсох өвчин-апноэ клиник, үнэрлэх эмгэгийн клиник, толгой ба хүзүүний хавдрын клиник зэрэг ажиллаж байна.
Мөн түүнчлэн сонсгол, вестибуляр, хамрын харшил, дуу авианы лаборатори зэрэг төрөл бүрийн оношилгоо шинжилгээний дэвшилтэт технолгийг ашиглан үнэн зөв хариуг гаргаж, өвчтөнүүдийнхээ сэтгэл ханамжийг өсгөж байна. Солонгос улсдаа төдийгүй гадаадын эрдэм шинжилгээний нийгэмлэгийн үйл ажиллагаанд идэвхитэй оролцож эмчилгээ хийхийн хажуугаар судалгаандаа ч гэсэн тэргүүлэх чиглэл тавин ажиллаж байна.