1. Халдварт өвчин-Дотрын тасаг нь ямар ажил хийдэг вэ? 

Халдварт өвчин-Дотрын тасаг нь бичил биетнээс үүдэлтэй халдварт өвчнийг оношлох, эмчлэх тасаг юм. Өөрөөр хэлбэл тус хэлтэс нь бичил биетэнтэй холбоотой янз бүрийн өвчнийг эмчилдэг. Халдварт өвчин-Дотрын тасаг нь халдварт өвчтэй өвчтөнүүдэд үзүүлэх тусламж үйлчилгээгээр зогсохгүй бусад тасагт үүсдэг халууралт, янз бүрийн халдварт өвчин, антибиотик эмчилгээний талаар зөвлөгөө өгдөг. Голдуу эмчилдэг өвчлөл нь дараахтай адил байна.

* Амьсгалын замын халдвар, түүний дотор уушигны үрэвсэл гэх мэт.

* Халуурах суулгалт зэрэг хоол боловсруулах замын халдвар

* Цочмог пиелонефрит зэрэг шээсний замын халдвар

* Төв мэдрэлийн системийн халдвар, тухайлбал менингит

* Халдварт эндокардит-зүрхний дотор давхаргын үрэвсэл

* Арьс ба зөөлөн эдийн үрэвсэл ба остеомиелит-ясны архаг үрэвсэл

* Үл мэдэгдэх шалтгаант халуун

* Элэг шилжүүлэн суулгах, бөөр шилжүүлэн суулгах, ясны чөмөг шилжүүлэн суулгах зэрэг эрхтэн шилжүүлэн суулгасны дараа үүсдэг халдварт өвчин

* Дархлалын олдмол хомсдолтой өвчтөнүүдэд илэрдэг боломжит халдварт өвчин

* Халдвар, бактерийн цусан суулга, хумхаа зэрэг янз бүрийн халдварт өвчнийг эмчлэх

2. Бичил биет гэж юу вэ?

Бичил биет гэдэг нь маш жижиг организмыг хэлдэг ба бактери, мөөгөнцөр, вирус зэрэг үүнд багтдаг. Бидний эргэн тойронд олон тооны бичил биетүүд амьдардаг бөгөөд олон тооны бичил биетүүд хүний биед оршдог. Зарим бичил биетүүд хүний биед маш аюултай өвчнийг үүсгэдэг. Хүний биед өвчин үүсгэдэг эдгээр бичил биетнийг эмгэг төрүүлэгч гэж нэрлэдэг. Халдварт өвчин гэдэг нь бидний биед нэвтрэн орж буй бичил биетний улмаас үүсдэг бүх өвчнийг хэлэх бөгөөд эдгээр нь ханиад томуу гэх мэт хөнгөн өвчнөөс эхлээд дэлхийн хэмжээнд тулгараад байгаа дархлал хомсдолын синдром (ДОХ), сүүлийн үед амьсгалын замын цочмог хурц хам шинж (SARS) зэрэг олон төрлийн өвчнийг хамруулж болох юм. Сүүлийн үед шинэ халдварт өвчний нэгэн адил одоо байгаа бичил биетнүүд антибиотикт тэсвэртэй болсон тохиолдолд нэмэгдэж эмчилэхэд хэцүү, үхэлд хүргэх аюул их болж үүнээс үүдэн халдварт өвчнүүд аажмаар асуудал болж байна.

3. Халдварт өвчнийг хэрхэн эмчлэх вэ?

Халдварт өвчнийг антибиотик гэж нэрлэгддэг эмээр эмчилдэг. Бидний ихэвчлэн ярьдаг антибиотикууд нь голдуу нянгийн эсрэг үр дүнтэй байдаг. Нянгаас гадна дархлаа султай хүмүүст тохиолддог вирусын халдвар эсвэл мөөгөнцрийн халдварыг вирусын халдварт өвчин юм уу мөөгөнцрийн халдварын тохиолдолд үүнд тохирсон вирусын эсрэг эм бэлдмэл, мөөгөнцрийн эсрэг бэлдмэл зэргээр эмчилдэг. Үүнээс гадна, антибиотикоор эмчлэхэд хэцүү, мэс засал шаардлагатай бол мэс заслын эмчилгээг хослуулан хэрэглэж тохиолдол байдаг.

Антибиотикийг анх 1928 онд доктор Александр Флеминг нээсэн бөгөөд тэрээр стафилококкийн нянг тэжээж байсан туршилтын тавган дээр ногоон мөөгөнцөр ургаж гарангаа стафилококкийн нянг устгаж байсныг нээн илрүүлж үүнээс ялгаж гаргасан бодис нь хамгийн анхны антибиотик болох “Пенициллин” юм. Хожим нь олон зуун антибиотик боловсруулагдаж, олон хүнийг халдварт өвчнөөс авран хамгаалжээ. Эдгээр үр нөлөөг үл харгалзан антибиотикийг буруугаар ашиглах нь антибиотик хэрэглэснээс хойш 60 жилийн дараагаас гэхэд л олон антибиотикийн үр дүн алдагдах асуудал (Антибиотик эсэргүүцэл) үүсэж тул халдварыг эмчлэхэд илүү төвөгтэй болж байна. Тиймээс антибиотикийг зөвхөн шаардлагатай үед л хэрэглэх нь чухал юм.