Солонгосын нийгэм аажмаар баруунжиж түүний хэрээр Зүрх Судасны өвчний тархалт, үүнээс үүдэлтэй нас баралт өмнөхтэй харьцуулахад аажмаар нэмэгдэж байгаа нь нийгмийн томоохон асуудал болж байна. Ийм зүрх судасны өвчинд даралт ихсэх, зүрхний дутагдал, зүрхний ишемийн өвчин, гиперлипидеми, хавхлагын өвчин, аортын өвчин гэх мэт ордог. Эдгээр өвчнийг эмчлэхийн тулд Конкук Их Сургуулийн Эмнэлгийн Зүрх Судасны төвд салбар бүрийн хамгийн шилдэг мэргэжилтнүүдийн баг, хамгийн сүүлийн үеийн тоног төхөөрөмжийг бүрдүүлж, тэдгээрийг үр дүнтэй ажиллуулах системийг хэдийн бий болгожээ. Тус эмнэлгийн Зүрх Судасны төвийн зорилго нь орон нутгийн нийгмийн Зүрх , Судасны өвчтэй өвчтөнүүдэд хэрэгцээтэй дээд шатны эмнэлгийн байгууллага, яаралтай тусламжийн байгууллагынхаа үүргийг үнэнчээр гүйцэтгэж өвчтөнүүдийн амь насыг аварч амьдралын чанарыг дээшлүүлэхэд оршино. 

Зүрх Судасны төвийн эмч мэргэжилтнүүд нь Зүрх Судас-Дотрын тасаг, Цээжний-Мэс заслын тасаг, Оношилгоо-Цацраг туяа эмчилгээний тасаг, Цөмийн анагаах ухааны тасаг тус бүрийн нарийн мэргэжлийн эмч нараас бүрдсэн. Өвчин тус бүрийн онцлогоос хамаараад хоорондын хамтын ажиллагааг үр дүнтэйгээ өргөжүүлж өвчтөнүүдийг үзэж оношилон эмчлэхийн тулд хичээн ажиллаж байна. Зүрх Судасны төв нь үндсэндээ амбулатор, Зүрх Судасны сэхээний тасаг, энгийн тасаг, төрөл бүрийн шинжилгээний лабораториос бүрддэг. Шинжилгээний лаборатори нь зүрх судасны эхокардиограмын өрөө, электрокардиограм(зүрхний бичлэг)-ын өрөө, зүрхний хэт авиан бичлэгийн өрөө, дасгалын ачааллын шинжилгээний өрөө, 24 цагийн электрокардиограм(зүрхний бичлэг)-ын өрөө, атеросклерозын(гол судасны хатуурал) шинжилгээний өрөөтэй. Ялангуяа амбулатор, төрөл бүрийн шинжилгээний лабораториуд 2 давхартаа төвлөрсөн байдаг нь өвчтөнд илүү тав тухтайгаараа давуу талтай.